QR Mádeniet jáne sport ministri Aqtoty Raiymqulovanyń buiryǵymen Sábit Shildebai «Ortalyq memlekettik arhiv» Respýblikalyq memlekettik mekemesiniń direktory qyzmetine taǵaiyndaldy, dep habarlaidy "Ult aqparat".
Ujymǵa jańa basshyny Mádeniet jáne sport vitse-ministri Nurǵisa Dáýeshov tanystyryp, jumysyna sáttilik tiledi.
Sábit Shildebai - 2006-2008 jyldary Q.Sátbaev atyndaǵy QazUTÝ Qoǵamdyq pánder kafedrasynyń dotsenti mindetin atqarýshy;
2008-2011 jyldary Abai atyndaǵy QazUPÝ «Otan tarihy» kafedrasynyń dotsenti (ǵylymi ataqsyz) ári tarih fakýltetiniń ǵalym-hatshysy;
2011-2014 jyldary Abai atyndaǵy QazUPÝ Magistratýra jáne PhD doktorantýra institýty direktorynyń tárbie jáne ǵylymi ister jónindegi orynbasary, qabyldaý komissiiasynyń jaýapty hatshysy;
2014 jyldyń qyrkúieginen bastap «Almaty» ýniversitetiniń dekany;
2015-2017 jyldary «Almaty» ýniversitetiniń rektory;
2017-2018 jyldary Abai atyndaǵy QazUPÝ KBBBAQO direktory;
2018 jyly Abai atyndaǵy QazUPÝ Tárbie jáne jastar saiasaty departamentiniń direktory, «Almaty» ýniversiteti rektorynyń keńesshisi;
2019 jyldyń mamyrynan bastap Sh.Ýálihanov atyndaǵy Tarih jáne etnologiia institýty «HH ǵasyrdaǵy Qazaqstan tarihy» bóliminiń meńgerýshisi qyzmetin atqarǵan.
Bir monografiia, bir oqý quraly, 3 ǵylymi jinaq pen 150-den asa ǵylymi eńbektiń avtory. Sonymen qatar 150-den asa pýblitsistikalyq, jýrnalistik zertteý jáne saiasi saraptama maqalasy BAQ-da jaryq kórgen. Tarih ǵylymynyń kandidaty, QR Jastar Odaǵy «Serper» syilyǵynyń laýreaty (2010).
