Asqar Omarov QR Prezidenti janyndaǵy "Ortalyq kommýnikatsiialar qyzmeti" respýblikalyq memlekettik mekemesiniń direktory qyzmetine taǵaiyndaldy, - dep habarlaidy "Ult aqparat" Aqorda saityna silteme jasap.
"Memleket basshysynyń ókimimen Asqar Qýanyshuly Omarov Qazaqstan Respýblikasynyń Prezidenti janyndaǵy "Ortalyq kommýnikatsiialar qyzmeti" respýblikalyq memlekettik mekemesiniń direktory laýazymyna taǵaiyndaldy", - delingen habarlamada.
Asqar Qýanyshuly 1976 jyly Almatyda týǵan. Turan ýniversitetin bitirgen.
Mamandyǵy boiynsha biliktiligi: halyqaralyq ekonomikalyq qatynastar.
Eńbek jolyn 1996 jyly jekemenshik kompaniiada týristerdi jóneltý bóliminiń kómekshisi bolyp bastady.
1997-1998 jj. — «Mádeniet máseleleri jónindegi respýblikalyq ǵylymi ortalyqtyń» áleýmettik-ekonomikalyq máseleler bóliminiń jetekshi mamany.
1998-1999 jj. — «Qazaqstannyń shaǵyn biznesi» jýrnalynda marketing jónindegi maman.
2001-2005 jj. — «Novosti nedeli» RG» JShS tilshisi.
2005-2006 jj. — Qazaqstan RTRK AQ – Astana TRO filialy Aqparattyq-taldaý baǵdarlamalary direktsiiasynyń Almaty biýrosynyń bas redaktory.
2007-2010 jj. — jeke kompaniialarda basshylyq qyzmetterdi atqardy.
2011-2013 jj. — «Túrki akademiiasy» KEAQ vitse-prezidenti.
2013-2014 jj. — jeke uiymnyń kreativti direktory.
2014-2015 jj. — «Astana EKSPO-2017» UK» AQ basqarýshy direktory.
2016-2017 jj. — qoǵamdyq qordyń prezidenti.
2017-2021 jj. — «QazAqparat» HAA JShS bas direktory.
Asqar Qýanyshuly 2017 jyldan 2021 jyldyń tamyzyna deiin «QazAqparat» halyqaralyq aqparat agenttigi» AQ Basqarma tóraǵasy boldy.
2021 jyldyń tamyzynan 2022 jyldyń qańtaryna deiin Aqparat jáne qoǵamdyq damý vitse-ministri bolyp jumys istegen.
2022 jyly 11 qańtarda Asqar Omarov Aqparat jáne qoǵamdyq damý ministri bolyp taǵaiyndalǵan edi.
