Almaty tehnologiialyq ýniversitetinde 2 shilde kúni Eýropalyq Odaqtyń Erasmus+ baǵdarlamasynyń qatysýshylarymen birge «Ortalyq Aziiadaǵy joǵary bilim berýdi jańa tehnologiialar kómegimen modernizatsiialaý» taqyrybynda kezdesý ótti.
Bul sharanyń maqsaty – innovatsiialyq bilim berý tehnologiialary salasynda ozyq tájiribe men bilim almasý. Kezdesý nátijesinde árbir qatysýshyǵa paida tigize otyryp, tájiribe alýǵa kómek bolary sózsiz. Aýqymdy sharaǵa Tájikstan, Túrikmenstan, Qyrǵyzstan, Ózbekstan, Liýksembýrg, Bolgariia, Portýgaliia, Italiianyń joǵary oqý oryndarymen qatar Ózbekstan Respýblikasynyń elshiligi jáne Ortalyq Aziia bilim ministrliginiń ókilderi qatysty. Jobaǵa Qazaqstannan QR Bilim berý ministrligi, Almaty tehnologiialyq ýniversiteti jáne L.N.Gýmilev atyndaǵy Eýraziia Ulttyq Ýniversiteti qatysty.
Kezdesý ýniversitettegi dombyra úiirmesiniń ónerpazdarynyń «Balbyraýyn» jáne «Adai» kúilerimen ashyldy. Budan soń ortada stýdentter «Qazaq biin» biledi.
Kirispe sózdi Almaty tehnologiialyq ýniversitetiniń birinshi prorektory Baýyrjan Nurahmetov bastap berdi. Kelgen qonaqtarmen tanysqan soń ol oqý ordasy – Almaty tehnologiialyq ýniversitetiniń tarihymen tanystyrdy. Sondai-aq, jetistikteri men bilim sapasyna toqtala otyryp, bilim berýdegi erekshelik jóninde aityp ótti.
Budan keiin ár qatysýshy daiyndap kelgen baiandamalaryn oqyp, tájiribelerimen bólisti.
Erasmus+ jańa jobasy innovatsiialyq bilim berý tehnologiialary salasyndaǵy ozyq tájiribelermen almasý úshin baǵyttalǵan. Jobanyń nátijesinde seriktes ýniversitetterdiń ár oqý ornynda 15 innovatsiialyq bilim berý tehnologiiasy ortalyǵy jáne 15 oqý zerthanasyn salý josparlanyp otyr. Sondai-aq, seriktes ýniversitetterde innovatsiialyq tehnologiialardy engizý maqsatynda tsifrlyq daǵdylardy igerý jáne oqytý ádistemesin meńgerý boiynsha muǵalimderge arnalǵan kýrstar uiymdastyrylmaqshy.
Aita keteiik, Erasmus+ bilim berý baǵdarlamasynyń negizinde qazir bilim berý sapasynyń joǵarylady. Bul joba Qazaqstan, Qyrǵyzstan, Ózbekstan, Túrikmenstan jáne Tájikstannyń 15 ýniversitetinde jáne 4 eýropalyq ýniversitetter – Bolgariia, Italiia, Portýgaliia, Liýksembýrgta júzege asyp jatyr.
