Armeniia, Qazaqstan, Qyrǵyzstan, Tájikstan jáne Ózbekstan kiretin Eýraziialyq azamattyq aviatsiia konferentsiiasy (EACAC) qatysýshy elderdiń aviatsiialyq biligi ókilderimen Almatyda alǵashqy otyrysyn ótkizdi, dep habarlaidy Ult.kz.
EACAC álemdik sala institýttarymen – IKAO, Eýropalyq komissiia, IATA jáne basqa da halyqaralyq uiymdarmen jumys sheńberinde óz ustanymyn shoǵyrlandyrýǵa múmkindik beredi.
Baiqaýshy memleket retinde otyrysqa Mońǵoliianyń aviatsiialyq biliginiń ókilderi qatysty.
Otyrysty Qazaqstan Respýblikasynyń Kólik vitse-ministri Talǵat Lastaev ashty.
"Eýraziia óńirinde alǵash ret azamattyq aviatsiia salasynda osyndai deńgeidegi uiym qurylýda. EACAC elderimizdiń aviatsiialyq bilik oryndaryna tiimdi ózara is-qimyl jasaýǵa, ushý qaýipsizdigi, aviatsiialyq qaýipsizdik, formaldylyqty jeńildetý, ornyqty damý, aviatsiialyq personaldy daiarlaý salasynda tájiribe, bilim jáne ozyq tájiribemen almasýǵa múmkindik beredi jáne, eń bastysy, bolashaq syn-tegeýrinderge daiyndyq kezinde problemalyq máseleler boiynsha sheshimder ázirleý úshin negiz jasaidy", - dep atap ótti vitse-ministr.
EACAC-tyń negizgi maqsaty – tiimdi úilestirý men ózara is-qimyldy jeńildete otyryp, Eýraziia aimaǵyndaǵy múshe elderdiń aviatsiialyq bilik oryndary arasynda yntymaqtastyq platformasyn qurý. Osy maqsatta is-sharaǵa qatysýshylar Azamattyq aviatsiianyń Eýraziialyq konferentsiiasyn qurý týraly deklaratsiiaǵa qol qoidy. Qazaqstan tarapynan qujatty QR KM Azamattyq aviatsiia komitetiniń tóraǵasy Saltanat Tompieva kýálandyrdy.
Óz sózinde Qazaqstannyń aviatsiialyq ákimshiliginiń bas direktory Katalin Radý:
"Eýraziialyq azamattyq aviatsiia konferentsiiasy halyqaralyq aviatsiialyq qoǵamdastyqta pikirler birligi men myqty ókildikti qamtamasyz etý isindegi elderimizdiń kúsh-jigerin jaqsyraq úilestirýge múmkindik beredi. Bul bastama úkimetterden de, saladan da aitarlyqtai qoldaý aldy. Biz qazir salalas – ACAO, AFCAC, ECAC, LACAC – jáne negizgi halyqaralyq uiymdarmen seriktestigimizdi nyǵaita bastadyq".
Is-shara barysynda Qazaqstannyń aviatsiialyq ákimshiligin oqytý jónindegi Excellence Center jobasynyń, sondai-aq "EASAS inspektorlar bazasy" biryńǵai platformasyn qurý jónindegi sheshimder tusaýkeserleri ótti.
Otyrys qorytyndysy boiynsha EASAS bas hatshysy bolyp Qazaqstan Respýblikasynyń Kólik vitse-ministri Talǵat Lastaev, EASAS prezidenti bolyp Ózbekstan Respýblikasy Kólik ministrligi janyndaǵy Azamattyq aviatsiia agenttiginiń bas direktory Tahir Nazarov taǵaiyndaldy.
EACAC mindetteriniń arasynda aimaqtyq yntymaqtastyq pen ózara qoldaýdy nyǵaitý; ushý qaýipsizdigin, aviatsiialyq qaýipsizdikti arttyrý, formaldylyqty jeńildetý, ushqyshsyz aviatsiianyń turaqty ósýi men damýy úshin jalpy saiasattar men rásimderdi ázirleý jáne engizý, bul azamattyq aviatsiianyń jáne basqa da bailanysty salalardyń tiimdi damýyna yqpal etedi; azamattyq aviatsiianyń halyqaralyq standarttaryn jáne búkil aimaq boiynsha usynylǵan tájiribelerdi úilestirý jáne engizý; óńir elderiniń aviatsiialyq múmkindikterin nyǵaitý jáne olardyń halyqaralyq aviatsiialyq arenada bolýyn arttyrý; tehnikalyq kómek kórsetý jáne aviatsiialyq personaldy daiarlaýǵa qatysý, sondai-aq óńirde tehnikalyq resýrstardyń biryńǵai "pýlyn" qurý bolypy tabylady.
