Nur-Sultan qalasynda Qazaqstan, Ózbekstan, Qyrǵyzstan Syrtqy ister ministrleri men Túrikmenstannyń Qazaqstandaǵy Elshisiniń qatysýymen on ekinshi «Ortalyq Aziia - Ońtústik Koreia» forýmy ótip jatyr, – dep habarlaidy Ult aqparat.
Forýmdy QR Syrtqy ister ministri Muhtar Tileýberdi ashty.
«Qazaqstan barlyq ýaqytta «Ortalyq Aziia – Ońtústik Koreia» forýmynyń rólin nyǵaitý úshin kúsh salyp keledi. Koreia Respýblikasymen óńir elderiniń yntymaqtastyǵyn damytýdaǵy airyqsha qarym-qatynasymyzǵa Qazaqstannyń forýmǵa qatysý deńgeiin Syrtqy ister ministrlerine deiin kóterýge bastamashylyq jasaýy dálel bola alady. Bizdiń oiymyzsha, «Ortalyq Aziia – Ońtústik Koreia» forýmynyń alańy Koreia Respýblikasyn Ortalyq Aziia elderimen ózara is-qimylyn nyǵaitýda tiimdi tetik qyzmetin atqarady» dedi ministr óz sózinde.
Birneshe ǵasyrlyq tarihy men mádenietteri jaqyn Ortalyq Aziia elderi búginde álemniń qarqyndy damýshy óńirleriniń birine ainalyp otyr. Sonymen qatar Ortalyq Aziia elderi dúniejúzinde mańyzdy strategiialyq jaǵdaiǵa ie, adami jáne ekonomikalyq áleýeti joǵary. Tabiǵi jáne ónerkásiptik resýrstarǵa da bai.
Sonymen qatar QR Syrtqy ister ministri Qazaqstannyń Tuńǵysh Prezidenti – Elbasy Nursultan Nazarbaev pen Qazaqstan Prezidenti Qasym-Jomart Toqaev óńir elderimen baýyrlastyq qarym-qatynasty nyǵaitýǵa airyqsha nazar aýdaratynyn atap ótti.
