Búgin Almaty qalasynda Memleketaralyq sý sharýashylyǵyn úilestirý komissiiasynyń 77-shi otyrysy ótti, dep habarlaidy "Ult aqparat".
Otyrys barysynda Orta Aziia memleketteriniń basshylary 2019-2020 jyldar aralyǵyndaǵy vegetatsiialyq kezeńde paidalanylatyn sýdyń shekteýli qoryn bekitti.
Memleketaralyq sý sharýashylyǵyn úilestirý komissiiasynyń 77-shi otyrysyna Qazaqstan Respýblikasynyń Ekologiia, geologiia jáne tabiǵi resýrstar ministri Sergei Gromov, Qazaqstan Respýblikasynyń Ekologiia, geologiia jáne tabiǵi resýrstar ministrliginiń Sý resýrstar komitetiniń tóraǵasy Arman Turlybek, Ózbekstan Respýblikasynyń Sý sharýashylyǵy ministri Shavkat Hamraev, Tájikstan Respýblikasy Energetika jáne sý resýrstary ministrligi sý-energetika saiasaty, ǵylym men tehnikany damytý basqarmasynyń bastyǵy Daler Abdýrazokzoda, Túrikmenstannyń Sý sharýashylyǵy memlekettik komiteti tóraǵasynyń orynbasary Dovletmýrad Mammedov qatysty.
Jiynda Syrdariia jáne Ámýdariia ózenderiniń basseinderi boiynsha 2019 jylǵy vegetatsiialyq kezeńde sý qoimalary kaskadtarynyń jumys rejimi men limitterin paidalaný qorytyndylary talqylandy.
Kelissóz qorytyndysy boiynsha 2019-2020 jyldar aralyǵynda Syrdariia jáne Ámýdariia ózenderiniń basseinderi boiynsha elderdiń sý alý limitteri men sý qoimalary kaskadtarynyń boljamdyq jumys rejimi bekitildi.
Memleketaralyq sý sharýashylyǵyn úilestirý komissiiasynyń kezekti 78-shi otyrysy Túrikmenstan astanasy Ashhabad qalasynda 2020 jyly ótedi.
