بٷگٸن الماتى قالاسىندا مەملەكەتارالىق سۋ شارۋاشىلىعىن ٷيلەستٸرۋ كوميسسيياسىنىڭ 77-شٸ وتىرىسى ٶتتٸ, دەپ حابارلايدى "ۇلت اقپارات".
وتىرىس بارىسىندا ورتا ازييا مەملەكەتتەرٸنٸڭ باسشىلارى 2019-2020 جىلدار ارالىعىنداعى ۆەگەتاتسييالىق كەزەڭدە پايدالانىلاتىن سۋدىڭ شەكتەۋلٸ قورىن بەكٸتتٸ.
مەملەكەتارالىق سۋ شارۋاشىلىعىن ٷيلەستٸرۋ كوميسسيياسىنىڭ 77-شٸ وتىرىسىنا قازاقستان رەسپۋبليكاسىنىڭ ەكولوگييا, گەولوگييا جەنە تابيعي رەسۋرستار مينيسترٸ سەرگەي گروموۆ, قازاقستان رەسپۋبليكاسىنىڭ ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ سۋ رەسۋرستار كوميتەتٸنٸڭ تٶراعاسى ارمان تۇرلىبەك, ٶزبەكستان رەسپۋبليكاسىنىڭ سۋ شارۋاشىلىعى مينيسترٸ شاۆكات حامراەۆ, تەجٸكستان رەسپۋبليكاسى ەنەرگەتيكا جەنە سۋ رەسۋرستارى مينيسترلٸگٸ سۋ-ەنەرگەتيكا ساياساتى, عىلىم مەن تەحنيكانى دامىتۋ باسقارماسىنىڭ باستىعى دالەر ابدۋرازوكزودا, تٷرٸكمەنستاننىڭ سۋ شارۋاشىلىعى مەملەكەتتٸك كوميتەتٸ تٶراعاسىنىڭ ورىنباسارى دوۆلەتمۋراد ماممەدوۆ قاتىستى.
جيىندا سىردارييا جەنە ەمۋدارييا ٶزەندەرٸنٸڭ باسسەيندەرٸ بويىنشا 2019 جىلعى ۆەگەتاتسييالىق كەزەڭدە سۋ قويمالارى كاسكادتارىنىڭ جۇمىس رەجيمٸ مەن ليميتتەرٸن پايدالانۋ قورىتىندىلارى تالقىلاندى.
كەلٸسسٶز قورىتىندىسى بويىنشا 2019-2020 جىلدار ارالىعىندا سىردارييا جەنە ەمۋدارييا ٶزەندەرٸنٸڭ باسسەيندەرٸ بويىنشا ەلدەردٸڭ سۋ الۋ ليميتتەرٸ مەن سۋ قويمالارى كاسكادتارىنىڭ بولجامدىق جۇمىس رەجيمٸ بەكٸتٸلدٸ.
مەملەكەتارالىق سۋ شارۋاشىلىعىن ٷيلەستٸرۋ كوميسسيياسىنىڭ كەزەكتٸ 78-شٸ وتىرىسى تٷرٸكمەنستان استاناسى اشحاباد قالاسىندا 2020 جىلى ٶتەدٸ.
