Qazaqstan, Tájikstan, Túrikmenstan jáne Ózbekstan respýblikalary Prezidentteri Qyrǵyz Respýblikasyndaǵy oqiǵa týraly birlesken málimdeme jasady, dep habarlaidy "Ult aqparat" Aqordanyń baspasóz qyzmetine silteme jasap.
***
Qazaqstan, Tájikstan, Túrikmenstan jáne Ózbekstan respýblikalary Prezidentteriniń Qyrǵyz Respýblikasyndaǵy oqiǵa týroqi birlesken málimdemesi
Baýyrlas Qyrǵyz Respýblikasynda bolyp jatqan oqiǵalar bizdi qatty alańdatyp otyr.
Biz ǵasyrlar boiy ajyramas dostyq, tatý kórshilik bailanystary myǵym, mádeni jáne rýhani qundylyqtary ortaq jaqyn kórshi elder retinde Qyrǵyzstan halqyn osy qiyn kúnderde parasattylyq tanytýǵa, eldegi beibitshilik pen turaqtylyqty qaita qalpyna keltirýge shaqyramyz.
Qyrǵyzstannyń barlyq saiasi partiialary men qoǵamdyq uiymdary beibitshilik pen tynyshtyqty qamtamasyz etý úshin qajetti kúsh-jigerin biriktirip, týyndaǵan máselelerdi Konstitýtsiia men ulttyq zańnamany saqtai otyryp sheshedi dep úmittenemiz.
Qyrǵyzstandaǵy tynyshtyq – óńirlik qaýipsizdik pen Ortalyq Aziiadaǵy ornyqty damýdyń mańyzdy faktory.
Elderimizdiń ótken joly bir jáne bolashaǵy da ortaq. Ortalyq Aziia halyqtaryn keleshek urpaqtyń igiligi jolyndaǵy berik beibitshilikke, kelisim men jasampazdyqqa umtylysy biriktiredi.
Memleketterimiz ortaq maqsatqa birige otyryp, saýda-ekonomikalyq, investitsiialyq, kólik-kommýnikatsiialyq jáne mádeni-gýmanitarlyq bailanystardy, shekaralyq jáne óńiraralyq is-qimyldardy kúsheitý jónindegi aimaqtyq yntymaqtastyqty belsendi nyǵaitýda.
Ortalyq Aziiadaǵy yntymaqtastyqty odan ári jandandyrý maqsatynda biz Qyrǵyzstan halqynyń birlikke, beibitshilikke, derbes damýǵa jáne órkendeýge degen umtylysyn únemi qoldaimyz.
