Elimizdiń iri qalalarynda elektrondy formatta saýda jasaý damyǵan. Bul týraly AntikorLive baǵdarlamasynda QR Saýda jáne integratsiia vitse-ministri Ásel Janasova aitty, dep habarlaidy QazAqparat.
«Biz áleýmettik tólemderdi jasaý ár azamat úshin yńǵaily bolǵanyna múddelimiz. Bul jerde internet mańyzdy ról atqarady. Bizdiń maqsat - otandyq taýar óndirýshilerge kómekti kúsheitý. Biz Aýyl sharýashylyǵy ministrligimen biryńǵai júiede jumys isteimiz. Biz ortaq platforma arqyly aýyl sharýashylyǵymen ainalysatyndardy iri saýda jelilerimen bailanystyrdyq. Olar uzaq merzimdi kelisimshartqa otyrady. Arada deldal bolmaǵan soń ónim baǵasy da arzan bolady jáne bári ashyq túrde júzege asady», - deidi QR Saýda jáne integratsiia vitse-ministri Ásel Janasova.
Onyń aitýynsha, iri qalalarda elektrondy formatta saýda jasaý damyǵan.
«Osyndai quraldar bar ekenin bilmeitin shaǵyn biznes ókilderi de bar. Tsifrlyq marketingpen ainalysyp, ónimin onlain túrde jarnamalap, tutynýshy jinaý úshin de aqsha kerek. Shaǵyn bizneste qomaqty qarjy joq, sol sebepti olar mundai jobalarǵa investitsiia quimai, Instagram jelisine ketedi. Bul - kóleńkeli ekonomika. Bul - kásibi qadam emes. Bizdiń mindet - sondai kásipkerlerge ónimin elektrondy túrde jarnamalaýdy, tólem jasaýdy, jetkizý joldaryn úiretý», - deidi Ásel Janasova.
