Qazaqstandyq páter ieleri ortaq múlikti basqarýdyń jańa túrine kóshpeýge quqyly. Biraq onda jańa zań usynatyn birneshe jeńildikten qaǵylady, dep habarlaidy QazAqparat.
Ortalyq kommýnikatsiialar qyzmetinde ótken baspasóz máslihatynda «Turǵyn úi-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarma tóraǵasynyń orynbasary Nurbek Serikov osyndai málimet aitty.
«Eger ortaq múlikti basqarýdyń burynǵy nysany páter ieleriniń kóńilinen shyǵyp tursa, múlik ieleri birlestigin qurý mindetti emes. Biraq mynany aita ketý kerek. Zań aiasynda páter ielerine ortaq múlikti basqarýdyń naqty bir formasyn, múlik ieleri birlestigin nemese jai seriktestikti tańdaýǵa 1 jyl ýaqyt berildi. Bul merzim ótkennen keiin jiyn ótkizip, osy eki nysannyń birin tańdaý kerek bolady. Eger páter ieleri kooperativi tiisti qujattardy bermei qasaryssa, turǵyn úi inspektsiiasy arqyly sotqa shaǵym bere otyryp májbúrli túrde taratýǵa bolady», - dedi kompaniia ókili.
Ol,sondai-aq, páter ieleri ortaq múlikti basqarýdyń qandai da bir túrin tańdai almasa, jańa zańda kózdelgen birqatar artyqshylyqtardan aiyrylýy múmkin ekenin eske saldy.
«Múlik ieleri birlestigi men jai seriktestikke Birikken páter ieleri turǵyn úi infraqurylymyna jeńildetilgen sharttarmen «Nurly jer» memlekettik baǵdarlamasy arqyly kúrdeli jóndeý ótkize alady. Jedel satyny aýystyrýǵa da osyndai jeńildik bar. Sondai-aq, ákimdik basqarýdyń jańa túrine kóshpegen turǵyn úidiń qasbeti men shatyryn biryńǵai sáýlettik kelbetke keltirý úshin qarjy bóle almaidy. Múlik ieleri birlestigi men jai seriktestikte osyndai artyqshylyqtar bar. Sondyqtan páter ieleri bári bir osy basqarý formasynyń birin tańdaýy kerek», - dedi Nurbek Serikov.
