Qazaqstanda mobildi internet jyldamdyǵy bir jylda 48% artqan. Bul kórsetkishke Finprom.kz zertteý júrgizdi, dep habarlaidy QazAqparat.
Resýrstyń jazýynsha, álemde mobildi keń jolaqty internettiń ortasha júkteý jyldamdyǵy bir jylda 38,3% artyp, 2022 jyldyń qańtarynda sekýndyna 29,62 Megabitke jetken.
Mundai oń tendentsiiada Qazaqstannyń da úlesi bar.
«Qazaqstanda bul kórsetkish qańtar aiynda birden 48%-ǵa, iaǵni, 18 Mbit/sekýndke deiin ósti. Bul – Ortalyq Aziia elderi arasyndaǵy eń úzdik kórsetkish. Odan keiin Qyrǵyzstan (8% nemese 17,45 Mbit/sek deiin) jáne Ózbekstan (13,85 Mbit/sek nemese 57,6%) tur. Tájikstan men Túrkimenstanda mobildi internet jyldamdyǵy - álemdegi eń tómen kórsetkishterdiń biri: tiisinshe 6,43 Mbit/sek jáne 3,09 Mbit/sek», - dep jazady Finprom.kz.
Analitikalyq portaldyń málimeti boiynsha, pandemiia kezinde sharalardyń bári onlain formatqa kóship, bul segmentke úlken qysym túsirgen.
«Alaida, jalpy qiyndyqtar aiasynda Qazastandaǵy mobildi operatorlar qolda bar resýrsty saqtap qana qoimai, bailanys sapasyn jaqsarta aldy. 2020 jyldyń qorytyndysy boiynsha utqyr keń jolaqty bailanys arqyly internet jelisine jalǵanǵan úi sharýashylyqtarynyń úlesi - 85,7%. Bul kórsetkish 2019 jyly - 84,9%, al 2015 jyly - 58,9% bolatyn», - delingen taldaýda.
