Astanada turǵyn úi keshenindegi órtti sóndirý kezinde zardap shekken órt sóndirýshilerdiń otbasyna baspana boiynsha kómek kórsetildi, - dep habarlaidy "Ult aqparat".
Astana ákimdiginiń málimetinshe, Memleket basshysynyń atynan Tótenshe jaǵdailar ministri Iýrii Ilin men qala ákimi Altai Kólginov órt sóndirýshi Asqar Zabikýlinniń otbasyna úsh bólmeli páterdiń sertifikatyn tabys etti. Páter demeýshilik qarajat esebinen berilgen.
"Órt sóndirýshi Aian Kempirovtiń otbasyna ipotekalyq nesieni tóleýge kómek kórsetiledi. Sonymen qatar Asqar Zabikýlin men Aian Kempirovtiń otbasyna jalpy somasy 6 million teńge bolatyn nesielerin óteýge kómektesý týraly sheshim qabyldandy" - delingen habarlamada.
Aita keteiik, elordalyq órt sóndirýshiler batyldyq tanytyp, birneshe adamnyń ómirin saqtap qalǵan edi.
Búginde Asqar Zabikýlinniń jaǵdaiy aýyr, ekinshi naýqastyń jaǵdaiy ortasha aýyr dep baǵalanyp otyr.
