استانادا تۇرعىن ٷي كەشەنٸندەگٸ ٶرتتٸ سٶندٸرۋ كەزٸندە زارداپ شەككەن ٶرت سٶندٸرۋشٸلەردٸڭ وتباسىنا باسپانا بويىنشا كٶمەك كٶرسەتٸلدٸ, - دەپ حابارلايدى "ۇلت اقپارات".
استانا ەكٸمدٸگٸنٸڭ مەلٸمەتٸنشە, مەملەكەت باسشىسىنىڭ اتىنان تٶتەنشە جاعدايلار مينيسترٸ يۋريي يلين مەن قالا ەكٸمٸ التاي كٶلگٸنوۆ ٶرت سٶندٸرۋشٸ اسقار زابيكۋليننٸڭ وتباسىنا ٷش بٶلمەلٸ پەتەردٸڭ سەرتيفيكاتىن تابىس ەتتٸ. پەتەر دەمەۋشٸلٸك قاراجات ەسەبٸنەن بەرٸلگەن.
"ٶرت سٶندٸرۋشٸ ايان كەمپٸروۆتٸڭ وتباسىنا يپوتەكالىق نەسيەنٸ تٶلەۋگە كٶمەك كٶرسەتٸلەدٸ. سونىمەن قاتار اسقار زابيكۋلين مەن ايان كەمپٸروۆتٸڭ وتباسىنا جالپى سوماسى 6 ميلليون تەڭگە بولاتىن نەسيەلەرٸن ٶتەۋگە كٶمەكتەسۋ تۋرالى شەشٸم قابىلداندى" - دەلٸنگەن حابارلامادا.
ايتا كەتەيٸك, ەلوردالىق ٶرت سٶندٸرۋشٸلەر باتىلدىق تانىتىپ, بٸرنەشە ادامنىڭ ٶمٸرٸن ساقتاپ قالعان ەدٸ.
بٷگٸندە اسقار زابيكۋليننٸڭ جاعدايى اۋىر, ەكٸنشٸ ناۋقاستىڭ جاعدايى ورتاشا اۋىر دەپ باعالانىپ وتىر.
