Grekiiada Afiny qalasynyń batysyndaǵy Psata (Psatha) aýdanynda orman órtin sóndirý jumystary kezinde eki órt sóndirý tikushaǵy áýede soqtyǵysty. Oqiǵa jeksenbi kúni tilsiz jaýmen kúres barysynda bolǵan, dep habarlaidy ult.kz.
Grekiianyń órtke qarsy qyzmetiniń málimetinshe, ár tikushaqta eki adamnan bolǵan. Oqiǵadan keiin qutqarý qyzmetteri ushqyshtardy izdeý jáne qutqarý operatsiiasyn bastady. Ázirge olardyń naqty jaǵdaiy týraly resmi aqparat jariialanǵan joq.
Aldyn ala málimet boiynsha, apat kúshti jel men kúrdeli órt jaǵdaiynda bolǵan. Qazirgi ýaqytta aimaqta birneshe iri orman órti jalǵasyp jatyr. Jalynnyń jyldam taralýyna bailanysty birqatar eldi meken turǵyndary evakýatsiialanǵan.
Áleýmettik jelilerde apat sáti túsirilgen degen beinekadrlar tarap jatyr. Kadrlarda tikushaqtardyń áýede soqtyǵysyp, olardyń biriniń jerge qulaǵany kórinedi. Alaida bul videolardyń túpnusqalyǵy resmi túrde rastalǵan joq.
