Aýyl sharýashylyǵy ministri Erbol Qarashókeev dala órtiniń Qazaqstandaǵy egin jinaý naýqanyna áseri týraly suraqqa jaýap berdi, - dep habarlaidy Tengrinews.kz.
Onyń aitýynsha, órt eldegi egin jinaý naýqanyna áser etken joq.
"Qostanai oblysyndaǵy órt kezinde, búlingen egin bolsa, ol - az mólsherde. Biz qazir komissiianyń sońǵy qorytyndysyn kútip otyrmyz. Bul (órt - esk.) azyq-túlik qaýipsizdigine eshqandai áser etpeidi. Búgingi jaǵdai boiynsha, Qostanai oblysynda da, jalpy Qazaqstan boiynsha da barlyq aýmaqtyń 60 paiyzǵa jýyǵy orylyp bitti, eger jerdegini aitsaq, ol - 11,5 million, onyń 9 million tonnasy bidai. Sondyqtan, egin orylyp jatyr, shyǵyn joq", - dedi ministr Senatta jýrnalister saýalyna jaýap bere otyryp.
Eske salaiyq, Qostanai oblysynda birneshe kún boiy orman órtendi. Órt birneshe aýylda júzge jýyq úidi sharpydy jáne zaqymdady. 1800-den asa adam qaýipsiz jerge kóshirilgen. 12 adam zardap shekken. 1935 jyly týǵan er adam qaitys boldy. Oblysta jergilikti aýqymdaǵy tótenshe jaǵdai jariialandy.
