Túrkistanda beibit kúnniń batyrlary «Túrkistan oblysyna sińirgen eńbegi úshin» tósbelgisimen marapattaldy, dep habarlaidy QazAqparat.
Tósbelgi taqqandardyń ishinde batyrlyqtyń naǵyz úlgisin kórsetken azamattar bar. Solardyń biri - kúni keshe ǵana erliginiń arqasynda elge tanylǵan Qanseiit Muhammed. Sairam aýdandyq halyqty jumyspen qamtý ortalyǵynyń qyzmetkeri Aqsýkent aýylynda ornalasqan ári ózi jumys isteitin ǵimaratta bolǵan órt kezinde shatyr ústindegi Memlekettik Týdy ottan alyp shyqty.
Al, Jetisai aýdandyq politsiia bólimi migratsiia bólimshesiniń basshysy Aian Hairýllaev ózine tóngen qaýipke qaramai, beitanys keiýanany órttiń ortasynan qutqaryp qaldy.
Kentaý qalasy, №12 Órt sóndirý bóliminiń bólimshe komandiri, azamattyq qorǵaý aǵa serjanty Nurǵali Kerimbekov sý qubyryna qulap ketken 2 jastaǵy balany alyp shyqty.
Qazyǵurt aýdanynyń turǵyny Meiirbek Rysbek ájethanaǵa túsip ketken 1 jastaǵy balany qutqaryp, eldiń yqylasyna bólendi.
Erlik jasaý árkimniń qolynan kele bermeitindigin aitqan Túrkistan oblysynyń ákimi Ómirzaq Shókeev beibit kúnniń batyrlaryna qurmet kórsetti.
Batyl azamattar óńir basshysynyń iltipatyna rizashylyq bildirip, qoǵamnyń damýyna qyzmet etýge daiyn ekenderin jetkizdi.
