تٷركٸستاندا بەيبٸت كٷننٸڭ باتىرلارى «تٷركٸستان وبلىسىنا سٸڭٸرگەن ەڭبەگٸ ٷشٸن» تٶسبەلگٸسٸمەن ماراپاتتالدى, دەپ حابارلايدى قازاقپارات.
تٶسبەلگٸ تاققانداردىڭ ٸشٸندە باتىرلىقتىڭ ناعىز ٷلگٸسٸن كٶرسەتكەن ازاماتتار بار. سولاردىڭ بٸرٸ - كٷنٸ كەشە عانا ەرلٸگٸنٸڭ ارقاسىندا ەلگە تانىلعان قانسەيٸت مۇحاممەد. سايرام اۋداندىق حالىقتى جۇمىسپەن قامتۋ ورتالىعىنىڭ قىزمەتكەرٸ اقسۋكەنت اۋىلىندا ورنالاسقان ەرٸ ٶزٸ جۇمىس ٸستەيتٸن عيماراتتا بولعان ٶرت كەزٸندە شاتىر ٷستٸندەگٸ مەملەكەتتٸك تۋدى وتتان الىپ شىقتى.
ال, جەتٸساي اۋداندىق پوليتسييا بٶلٸمٸ ميگراتسييا بٶلٸمشەسٸنٸڭ باسشىسى ايان حايرۋللاەۆ ٶزٸنە تٶنگەن قاۋٸپكە قاراماي, بەيتانىس كەيۋانانى ٶرتتٸڭ ورتاسىنان قۇتقارىپ قالدى.
كەنتاۋ قالاسى, №12 ٶرت سٶندٸرۋ بٶلٸمٸنٸڭ بٶلٸمشە كومانديرٸ, ازاماتتىق قورعاۋ اعا سەرجانتى نۇرعالي كەرٸمبەكوۆ سۋ قۇبىرىنا قۇلاپ كەتكەن 2 جاستاعى بالانى الىپ شىقتى.
قازىعۇرت اۋدانىنىڭ تۇرعىنى مەيٸربەك رىسبەك ەجەتحاناعا تٷسٸپ كەتكەن 1 جاستاعى بالانى قۇتقارىپ, ەلدٸڭ ىقىلاسىنا بٶلەندٸ.
ەرلٸك جاساۋ ەركٸمنٸڭ قولىنان كەلە بەرمەيتٸندٸگٸن ايتقان تٷركٸستان وبلىسىنىڭ ەكٸمٸ ٶمٸرزاق شٶكەەۆ بەيبٸت كٷننٸڭ باتىرلارىنا قۇرمەت كٶرسەتتٸ.
باتىل ازاماتتار ٶڭٸر باسشىسىنىڭ ٸلتيپاتىنا ريزاشىلىق بٸلدٸرٸپ, قوعامنىڭ دامۋىنا قىزمەت ەتۋگە دايىن ەكەندەرٸن جەتكٸزدٸ.
