QR Ekologiia, geologiia jáne tabiǵi resýrstar ministri Maǵzum Myrzaǵaliev orman sharýashylyǵy qyzmetkerlerin kásibi merekesimen quttyqtady. Jyl saiyn qazan aiynyń úshinshi jeksenbisinde atap ótiletin kún biyl 18 qazanǵa týra kelip otyr, dep habarlaidy "Ult aqparat".
«Qiyndyǵy men san-túrli táýekelderine qaramastan, elimizdiń orman qoryn saqtap, jańǵyrtý tabandy eńbek etip kele jatqan azamattar qandai qurmetke de laiyq. Sebebi orman kesheni - ekologiialyq qaýipsizdiktiń kepili»,- dep jazdy ol Twitter paraqshasynda.
Ministr qazir ormanshylar mártebesin kóterý máselesi qaralyp jatqanynan habardar etti.
«Ormanshylar - baǵa jetpes ulttyq bailyǵymyzdy qorǵap, keler urpaqqa jetkizýshiler. Olardyń zor eńbegin eskere otyryp, bizdiń ministrlik ormanshylar statýsyn kóterý máselesin qarastyryp jatyr. Jasyl tabiǵatty aialaý - árqaisymyzdyń mindetimiz. Sondyqtan barlyq el azamattaryn orman qoryna uqypty qarap, ony qorǵaýshylarǵa qoldaý kórsetýge, jumystaryn baǵalaýǵa shaqyramyn»,- dedi Maǵzum Myrzaǵaliev.
Eske salaiyq, orman sharýashylyǵy qyzmetkerleriniń kásibi merekesi 2017 jyly QR Úkimeti qaýlysymen bekitilgen.
