Ordabasylyq kásipkerlerge 2 mlrd. teńgeden astam nesie berildi, dep habarlaidy "Ult aqparat" aýdan ákimdiginiń baspasóz qyzmetine silteme jasap.
Aýdan kóleminde 2018 jyldyń qańtar-qyrkúiek ailarynda tirkelgen shaǵyn jáne orta kásipkerliktegi kásiporyndardyń jalpy sany - 10 248 nysan, onyń belsendi shaǵyn jáne orta kásipkerliktegi kásiporyndary - 9 587 nysan, zańdy tulǵa - 553 nysan, dara kásipkerler - 2 895 jáne sharýa (fermer) qojalyqtary - 6 139 nysan, bul jalpy tirkelgen kásiporynnyń 93,5 paiyzyn qurady. Osy qurylymdar boiynsha jumyspen qamtylǵany - 21 952 adam.
Shaǵyn jáne orta biznes sýbektilerimen óndirilgen ónim (jumys, qyzmet) kólemi 38 mlrd 829 mln. 300 myń teńgeni qurap, bul kórsetkish ótken jyldyń tiisti kezeńimen salystyrǵanda 103,5 paiyzǵa jetti, odan túsken salyq kólemi - 582 mln. 400 teńge. Jergilikti deńgeidegi kásipkerlermen shaǵyn nesie uiymdary arqyly 5 160 adamǵa 2 mlrd. 450 mln. teńge nesie qarjy berildi: «Ońtústik» AIO jáne «Yrys» MQU» arqyly 26 adam 152 mln teńge igerdi. «KazMikroFinans(KMF)» Tórtkúl filialy arqyly 1 692 adam - 656 mln. 100 myń teńge, Temirlan filialy arqyly 3 228 adam - 1 mlrd. 321 mln. 100 myń teńge. «Arnýr kredit» nesie uiymy arqyly 158 adam - 108 mln. 400 myń teńge nesie aldy. «Tórtkúl nesie» JShS arqyly 6 adamǵa - 19 mln. 200 myń teńge, «Agronesie Ordabasy» JShS arqyly 8 adamǵa - 43 mln. 200 myń teńge, «Aýyl sharýashylyǵyn qarjylai qoldaý qory» JShS arqyly 44 adamǵa - 150 mln. teńge nesie berildi.
