Qazaqstandyq Premer-ligadaǵy «Ordabasy» komandasynyń biýdjeti 30 paiyzǵa qysqartylady. Bul týraly Shymkent qalasynyń ákimi Murat Áitenov málim etti, dep habarlaidy "Ult aqparat".
«Biylǵy biýdjet nelikten ótken jyldyń biýdjetinen kóp boldy. Sebebi komanda eýrokýbokta oinaǵan bolatyn. Bul pandemiiaǵa deiinshi kezeń bolǵandyqtan, issaparǵa ketetin shyǵyndardy ulǵaitqan edik. Eýrokýbokta qandai da bir jetistikke jetýdi maqsat tuttyq. Biz eýrokýboktan shyǵyp qalǵannan keiin biýdjetti 2,5 mlrd teńgege deiin qysqartyldy», - dedi Murat Áitenov Ortalyq kommýnikatsiialar qyzmetinde ótken baspasóz máslihatynda.
Onyń aitýynsha odan únemdelgen aqsha pandemiiamen kúreske jumsalǵan.
«Kelesi jyl úshin biz biýdjetti aqyry 30 paiyzǵa qysqarttyq. Aqyrynda 4 nemese 5 mlrd teńge qalady. Qalanyń ózine respýblikalyq biýdjetten qarajat bólinetindikten biz kóshbasshy bolýǵa tyrysýymyz kerek», - dedi ol.
Sonymen qatar tilshiler ákimge bas bapker Kahaber Tshadadze klýbta qala ma, joq pa degen suraq qoidy.
«Biz «Ordabasy» komandasynan jetistikti kútken edik. Biraq ókinishke qarai ol tek besinshi oryndy mise tutty. Qazir sizderdiń bul suraqtaryńyzǵa naqty jaýap bere almaimyn. Qorytyndy keńes ótkizýimiz kerek», - dedi ol.
