Moldovalyq maman Andrei Martin «Ordabasy» fýtbol klýbynyń bas bapkeri qyzmetine keldi, dep habarlaidy Ult.kz, kaz.inform.kzke silteme jasap.
Foto: instagram.com/fc__ordabasy
Qazirge deiin bapker sol eldiń «Petrokýb» komandasynda tizginin ustady. 2023/2024 jylǵy maýsymda atalǵan ujymmen Moldova chempionaty men Moldova Kýbogyn jeńip aldy. Komanda ÝEFA Konferentsiialar ligasynyń toptyq kezeńinde oiyn kórsetti.
Moldovalyq maman 1974 jyldyń 27 maýsymynda dúniege keldi. Fýtbolshylyq mansabynda qorǵaýshy, jartylai qorǵaýshy shebinde oiyn kórsetken.
2008 jyldan beri bapkerlik qyzmetpen ainalysady. Eki jyl buryn «Petrokýb» klýbynyń tizginin ustady.
Aita ketsek, budan buryn qazaqstandyq maman Kirill Keker shymkenttik «Ordabasy» komandasynyń bas bapkeri qyzmetinen ketti.
K.Keker bul qyzmetke biylǵy jyldyń tamyz aiynda kelgen edi.
Komanda el birinshiliginde tórtinshi oryndy mise tutty. Osyǵan bailanysty shymkenttik ujym sapynan kóptegen oiynshylar basqa komandalarǵa aýysty.
