مولدوۆالىق مامان اندرەي مارتين «ورداباسى» فۋتبول كلۋبىنىڭ باس باپكەرٸ قىزمەتٸنە كەلدٸ, دەپ حابارلايدى Ult.kz, kaz.inform.kzكە سٸلتەمە جاساپ.
فوتو: instagram.com/fc__ordabasy
قازٸرگە دەيٸن باپكەر سول ەلدٸڭ «پەتروكۋب» كومانداسىندا تٸزگٸنٸن ۇستادى. 2023/2024 جىلعى ماۋسىمدا اتالعان ۇجىممەن مولدوۆا چەمپيوناتى مەن مولدوۆا كۋبوگىن جەڭٸپ الدى. كوماندا ۋەفا كونفەرەنتسييالار ليگاسىنىڭ توپتىق كەزەڭٸندە ويىن كٶرسەتتٸ.
مولدوۆالىق مامان 1974 جىلدىڭ 27 ماۋسىمىندا دٷنيەگە كەلدٸ. فۋتبولشىلىق مانسابىندا قورعاۋشى, جارتىلاي قورعاۋشى شەبٸندە ويىن كٶرسەتكەن.
2008 جىلدان بەرٸ باپكەرلٸك قىزمەتپەن اينالىسادى. ەكٸ جىل بۇرىن «پەتروكۋب» كلۋبىنىڭ تٸزگٸنٸن ۇستادى.
ايتا كەتسەك, بۇدان بۇرىن قازاقستاندىق مامان كيريلل كەكەر شىمكەنتتٸك «ورداباسى» كومانداسىنىڭ باس باپكەرٸ قىزمەتٸنەن كەتتٸ.
ك.كەكەر بۇل قىزمەتكە بيىلعى جىلدىڭ تامىز ايىندا كەلگەن ەدٸ.
كوماندا ەل بٸرٸنشٸلٸگٸندە تٶرتٸنشٸ ورىندى مٸسە تۇتتى. وسىعان بايلانىستى شىمكەنتتٸك ۇجىم ساپىنان كٶپتەگەن ويىنشىلار باسقا كوماندالارعا اۋىستى.
