Túrkistan oblysynyń jurtshylyǵy, ziialy qaýym aýyr qazaǵa dýshar boldy. Sanaly ǵumyryn oblystyń ekonomikasy men áleýmettik damýyna arnaǵan abzal azamat, Ordabasy aýdanynyń ákimi Óserbaev Álipbek Sháripbekuly 58 jastan asqan shaǵynda mezgilsiz dúnieden ozdy.
Álipbek Sháripbekuly 1961 jyly 20 tamyzda burynǵy Ońtústik Qazaqstan oblysy, Qyzylqum aýdany, Baltakól aýylynda sharýa otbasynda dúniege kelgen. 1983 jyly Qazaq himiia-tehnologiialyq institýtyn bitirgen. Mamandyǵy boiynsha – himik-tehnolog.
Eńbek jolyn 1983 jyly Qaraǵandy asbest-tsement ónimderin shyǵaratyn zaýyttyń mashinisti bolyp bastaǵan. 1983-2005 jyldary qurylys salasynda eńbek etip, 2007 jyldan búgingi kúnge deiin Túrkistan qalasy ákimdiginiń qurylys bóliminiń meńgerýshisi, Kentaý qalasy ákiminiń orynbasary, Túrkistan qalasy ákiminiń orynbasary, Túrkistan qalasynyń ákimi, Ońtústik Qazaqstan oblysy kásipkerlik jáne indýstriialdy-innovatsiialyq damý basqarmasynyń basshysy, Ońtústik Qazaqstan oblysy ákiminiń birinshi orynbasary, Túrkistan qalasynyń ákimi, Ordabasy aýdanynyń ákimi qyzmetterin abyroimen atqardy.
Qoǵamǵa sińirgen eńbegi úshin Álipbek Óserbaev birneshe memlekettik nagradalarmen marapattaldy. Onyń ishinde «Astanaǵa 10 jyl», «Qazaqstan Respýblikasynyń Táýelsizdigine 25 jyl» merekelik medaldary men «Qurmet» ordeni bar.
«Álipbek Sháripbekuly qandai da bir jaýapty memlekettik qyzmette bolmasyn ózin isker uiymdastyrýshy, talapshyl basshy, biliktiliginiń arqasynda árbir istiń kózin taba biletin bastamashyl qasietterimen oblystyń damýyna ózindik eńbegin sińirdi. Onyń ishinde Túrkistan qalasynyń áleýmettik-ekonomika salasynyń ósip-órkendeýine aitarlyqtai úles qosty. Ómirin týǵan óńirge qyzmet etýge arnaǵan el azamatynyń beinesi halyqtyń esinde árqashan saqtala bermek»,-deidi marqumnyń áriptesteri.
Álipbek Sháripbekulynyń ómirden ótýine bailanysty onyń otbasyna, aǵaiyn-týystary men urpaqtaryna, oblys jurtshylyǵyna qaiǵylaryna ortaqtasyp, kóńil aitamyz. Ó.Shókeev, Q.Balabiev, Q.Aitmuhametov, Á.Turǵymbekov, J.Amanbaev, U.Tájibaev, M.Myrzaliev, S.Qalqamanov, B.Tájibaev, J.Máýlenqulov,Ó.Meldehanov, R.Aiýpov, J.Áziretbergenov, T.Ábdiqaiymuly, B.Sadvahasov.
