Túrkistan oblysy, Ordabasy aýdanynda Qajymuqan Muńaitpasulynyń 150 jyldyǵyna orai qazaq dalasy batyrynyń atyna memorialdyq keshen salynatyn boldy. Zamanaýi úlgide boi kóteretin nysannyń qurylys jumystary ústimizdegi jyldyń qarasha aiynda bastalmaq, dep habarlaidy "Ult aqparat".
Aýdan ákimdiginiń málimetinshe, atalǵan nysan 2021 jyldyń qazan aiynda paidalanýǵa beriledi dep josparlanǵan.
«Batys Qytai – Batys Eýropa» halyqaralyq kólik dálizi boiynda salynatyn memorialdyq keshenniń jalpy aýmaǵy 5 gektardy quraidy. Onda kitaphana, kórme zaly, qonaq úi, ashana, konferents zaly, sport zaly, sportshylardyń kiim aýystyrýǵa, jýynýǵa arnalǵan jáne basqa da qajetti bólmelermen qamtylmaq. Ǵimarattyń aýmaǵy jasyl-jelekpen abattandyrylyp, oryndyqtar men jaryqshamdar ornatylady. Sondai-aq, jobada balalarǵa arnalǵan oiyn alańshasy men avtoturaq ta qarastyrylǵan.
Aita keteiik, sporttyń birneshe túrimen shuǵyldanýǵa laiyqty keshen túrli deńgeidegi jarystardy ótkizýge de yńǵaily bolmaq.
