Túrkistan oblysyna qarasty Ordabasy aýdanynyń halqy 3 jyl ishinde 100 paiyzǵa aýyzsýmen qamtylmaq, - dep habarlaidy "Ult aqparat".
Qazirgi kezde aýdan boiynsha 40 eldi mekende turatyn 106 825 adam nemese jalpy turǵyndardyń 90,6 paiyzy qubyrly taza aýyz sýmen qamtylǵan.
Aýdandyq biýdjetten 2018 jylǵa 30 eldi mekenge aýyz sý berý maqsatynda sý júieleri men uńǵymalaryn kútip ustaý jáne aǵymdaǵy jóndeý jumystaryna 175 mln. 961 myń teńge qaralyp, qazirgi tańǵa 106 mln. 200 myń teńgesi igerildi.
Aýyz sýmen qamtylmaǵan 17 eldi meken boiynsha: 2 eldi mekenniń (Arystandy, Boraldai e/m) aýyz sý júiesiniń qurylysyna jobalyq smetalyq qujattamasy ázirlenip, qurylys montaj jumystaryn júrgizý úshin biýdjetten qarjy qarastyryldy. Jýsansai eldi mekeni aýyz sý júiesi qurylysyna jobalyq smetalyq qujattamasy ázirlenip, qurylys jumystaryn júrgizý úshin salalyq basqarmaǵa tiisti qujattary usynyldy. Kemer, Aqsary, Nura jáne Qyzylseńgir aýldaryna aýyz sý júiesiniń qurylys jumystaryn júrgizý jobalyq-smetalyq qujattamasy ázirlenip, saraptamadan ótkizý jumystary júrgizilýde. Aqqoily, Sarytoǵai jáne Qarabastaý eldi mekenderine aýyz sý júiesi qurylysyna sáýlet josparlaý tapsyrmasy /APZ/ ázirlengen. Aýdandyq biýdjetten JSQ ázirleýge qarjy qarastyryldy. Qaraspan aýylynyń aýyz sý qoryn zertteýge JSQ daiyndalyp, sý qoryn zertteýge oblystyq biýdjetten qarjy qarastyrylǵan. Qazirgi ýaqytta sý qory zerttelýde. Qaraspan aýyl okrýgine qarasty alty eldi mekenge Beisen, Saryaryq, Maqtashy, Juldyz, Yntymaq jáne Mádeniet burǵylaý jumystaryna JSQ ázirleýge oblystyq biýdjetten qarjy qaralyp, JSQ ázirlenýde.
2021 jyly aýdandy 100 paiyz sapaly aýyz sýmen qamtý josparlanýda.
