Qaraǵandy oblysynda Temirtaý qalasynyń mańynda jeńil jáne júk kólikteri soqtyǵysyp, 4 adam qaza tapty. Aldyn ala málimetter boiynsha, qaza bolǵandardyń arasynda «Orda» toby solisteriniń ata-anasy bolǵan, dep habarlaidy "Ult aqparat".
Kólik oqiǵasy 11 qazan kúni Buqar Jyraý aýdanynda, Temirtaý qalasynan 2 shaqyrym jerde bolǵan.
«Volkswagen» avtokóliginiń 66 jastaǵy júrgizýshisi «Temirtaý-Astana» avtojolynyń qarsy baǵytyna shyǵyp, 28 jastaǵy er adamnyń basqarýyndaǵy «Scania» markaly júk avtokóligimen soqtyǵysqan.
«Jol-kólik oqiǵasy saldarynan «Volkswagen» avtokóliginiń júrgizýshisi men onyń úsh jolaýshysy oqiǵa ornynda kóz jumdy. Atalǵan derek boiynsha tiisti saraptamalar taǵaiyndalyp, QR QK 345 baby 4-bólimi boiynsha sotqa deiingi tergeý júrgizilýde», - dedi Qaraǵandy oblysy PD baspasóz qyzmeti.
Resmi emes málimetter boiynsha, qaza bolǵandardyń arasynda qazaqstandyq prodiýser jáne «Orda» tobynyń ánshileri Erbolat jáne Janbolat Bedelhannyń áke-sheshesi bolǵan.
Belgili jýrnalist Rishat Asqarbekuly Facebook-tegi óz paraqshasynda ánshilerge kóńil aitty.
