Qazaqstan musylmandary dini basqarmasy muftyat.kz saitynda Oraza aiynyń kestesi jariialandy, dep habarlaidy "Ult aqparat".
Atalmysh keste boiynsha Orazanyń alǵashqy kúni 2020 jyldyń 24 sáýiri, iaǵni jumaǵa sáikes keledi. Osy kúni elorda turǵyndary jergilikti ýaqyt boiynsha tańǵy saǵat 04:12-ge deiin sáresin iship bitýi kerek. Al Almaty qalasynyń turǵyndary aýyzdaryn 24 sáýir kúni jergilikti ýaqyt boiynsha saǵat 04:28-ke deiin ashady.
Biyl Ramazan aiy 24 sáýirde bastalyp, 23 mamyrda aiaqtalady.
Mamyr aiynyń 19-nan 20-na qaraǵan tún – qasietti Qadir túni.
Osy jyly pitir sadaqanyń mólsheri adam basyna 370 teńge dep belgilendi. Tótenshe jaǵdaiǵa bailanysty Ramazan aiynda beriletin pitir sadaqa men zeketti kaspi.kz mobildi qosymshasy arqyly aýdarýǵa bolady.
Karantin kezinde meshitterde juma, taraýyq, kúndelikti jamaǵat namazdary ýaqytsha oqylmaidy.
Sonymen qatar, meshit pen qoǵamdyq oryndarda aýyzashar berilmeidi.
