Senat Tóraǵasy Dariǵa Nazarbaeva qazaqstandyqtardy qasietti Oraza aiynyń bastalýymen quttyqtady, dep habarlaidy "Ult aqparat" joǵary palatanyń baspasóz qyzmetine silteme jasap.
«Qazaqstan musylmandaryn qasietti Oraza aiynyń kelýimen quttyqtaimyn!
Bul – ailardyń ulyǵy, barsha musylman qaýymyn tazarýǵa bastaityn, senimin nyǵaityp, rýhani turaqtylyqty shyńdaityn ýaqyt.
Búkil adamzat koronavirýs pandemiiasymen kúresip jatqan qiyn-qystaý kúnderi barlyq qaǵidalardy ustaný jáne densaýlyqty saqtaý mańyzdy bolyp qala beredi. Qazirgi qiyn kezde Oraza qýanysh pen baqyt syilaidy, tynyshtyq pen sabyr beredi, senimdi nyǵaitady dep úmittenemin.
Barlyq qazaqstandyqtarǵa rýhani kelisim, myqty densaýlyq jáne bereke tileimin», - dep atap ótken Senat Tóraǵasy.
