Ramazan aiy kezinde elorda turǵyndary orazaǵa qatysty dini jáne meditsinalyq saýaldar boiynsha, sadaqa berý jáne aýyzashar jetkizý máseleleri boiynsha 109 nómirine habarlasyp, keńes alady, dep habarlaidy "Ult aqparat".
Bul týraly Nur-sultan qalasynyń Din isteri basqarmasynyń basshysy Nurdáýlet Álmuhanov málim etti.
«Elorda meshitterindegi sanitarlyq-epidemiologiialyq jaǵdaiǵa bailanysty dástúrli túrde túngi namazdar, taraýyq namazdar men juma namazdary ótkizilmeitini týraly habarlaǵym keledi. Sondai-aq aýyzashardy ujymdyq túrde ótkizýden bas tartýdy suraimyz», - dedi basqarma basshysy.
Onyń sózinshe, Nur-Sultan qalasynyń Din isteri basqarmasy memlekettik organdarmen jáne Qazaqstan musylmandary dini basqarmasynyń filialdarymen birlesip Ramazan aiyna tiisti daiyndyq jumystaryn júrgizýde.
«109 ortalyqtandyrylǵan nómiri arqyly elorda turǵyndary men qonaqtary Ramazan aiyn ótkizý jáne jalpy din máseleleri boiynsha óz suraqtaryn qoia alady. Qurmetti elorda turǵyndary men qonaqtary, sanitarlyq-epidemiologiialyq qaýipsizdik sharalaryn saqtaýdy, shekteý sharalaryna túsinistikpen qaraýdy suraimyz», - dedi Nurdáýlet Álmuhanov.
