8 qańtarda Aqtóbede bir top ata-ana oblystyq ákimdikke kelip, aimaq ákimi Berdibek Saparbaevpen kezdespek boldy, dep habarlaidy Azattyq.
Ata-analar oramal taǵatyn qyzdarynyń mektepke kire almai júrgenine narazy.
Ákimdikke kelgen áielder oblys ákimi Saparbaevtan oramal taǵatyn qyzdarǵa bólek mektep ashyp berýdi talap etpek bolǵan. Biraq narazy analar ákimmen kezdese almady. Olardy Aqtóbe oblystyq bilim departamentiniń basshysy Lázzat Orazbaeva men din isteri departamentiniń basshysy Joldas Qalmaǵambetov qabyldady. Bir saǵatqa sozylǵan kezdesýden keiin analar "máselemiz sheshilgen joq" dep shyqty.
Oramal taǵatyn qyzdardyń shesheleri eger mekteppen kelisimge kele almasa, qyzdaryn sabaqqa jibermeitinderin aitty. Oblystyq bilim departamentiniń basshysy Lázzat Orazbaeva balalaryn mektepke jibermeitin ata-analarǵa shara qoldanyp, aiyppul salatyndaryn aitty.
Din isteri departamenti basshysy Joldas Qalmaǵambetovtyń aitýynsha, "eshkimniń dini ustanymyna tyiym salynbaidy, biraq mektepte oramal taǵýǵa bolmaidy".
Jeltoqsanda Astana qalasynyń Esil aýdandyq sotynda Aqtóbe jáne Batys Qazaqstan oblystarynda turatyn 60-tan asa ata-ananyń talap aryzy boiynsha sot bastalǵan. Sotqa júginýge mektepte oramal taǵýǵa qatysty týǵan daý sebep bolǵan.
