QR Ishki ister Ministri Erlan Turǵynbaevtyń buiryǵyna sáikes «oralman» termini «qandas» bolyp ózgertildi, dep habarlaidy "Ult aqparat".
Buiryq 2021 jyly qańtar aiynda kúshine enedi.
Buiryqta jazylǵandai, turaqty tirkeýi joq qandastar turaqty turýǵa ruqsatty alý jáne Qazaqstan Respýblikasynyń azamattyǵyn jeńildetilgen tártippen alý úshin PD bastyǵynyń atyna jáne birýaqytta azamattyq máseleleri boiynsha sheshim qabyldaityn kelgen memlekettiń laýazymdy adamyna shetel azamattyǵynan bas tartqany týraly notarialdy kýálandyrylǵan jazbasha ótinishhatpen (ótinishpen) júginý kerek.
Buiryqtyń tolyq mátinimen myna jerden tanysýǵa bolady.
Eske sala keteiik, Memleket basshysy Qasym-Jomart Toqaev «Oralman» sózinen bas tartyp, «qandas» degenimiz jón bolatynyn aitqan edi.
«Men budan buryn da tarihi otanyna kelgen qazaqtardy «oralman» dep ataýdan bas tartyp, «qandas» degenimiz jón bolady degen edim. Jeti atasyn biletin halyqqa «qandas» degen uǵym jarasady», - dedi Prezident.
Sondai-aq, Májilis «qandas» ataýyn engizetin zań jobasyn maquldady.
