BQO oblysy ákimi Altai Kólginov qala aktivine jańa ákimdi tanystyrdy. Buǵan deiin Terekti aýdanyn basqaryp kelgen Murat Muqaev Prezident Ákimshiliginiń jáne qalalyq máslihattyń kelisimimen qala ákimi bolyp taǵaiyndaldy. Bul týraly zhaikpress.kz habarlady.
- Qalalyq máslihat depýtattary men Oral qalasy ardagerlerimen birlese Memleket basshysynyń qoiǵan maqsattar men mindetterdi oryndaýda, qala turǵyndarynyń ál aýqatyn arttyrý jolynda tabysty jumys tileimin. Sizderdiń aldyńyzǵa birneshe tapsyrmalar qoiylady. Birinshiden, Elbasynyń «Qazaqstannyń Úshinshi jańǵyrýy: jahandyq básekege qabilettilik» atty joldaýynan týyndaityn is-sharalardy júzege asyrý. «Nurly jol» jáne «Nurly Jer» baǵdarlamalaryn jáne salalyq baǵdarlamalar boiynsha qoiylǵan mindetterdi sapaly oryndaý. Sonymen qatar, Memleket basshysynyń «Rýhani jańǵyrý» baǵdarlamasynyń júzege asyrylýyn qadaǵalaý. Osy jumysta eńbekterińizge jemis tileimin,- dedi oblys ákimi.
Muqaev Murat Rahmetuly 1969 jyly Batys Qazaqstan oblysynda týǵan.
Eki joǵarǵy bilimi bar (ekonomist, zańger mamandyqtary boiynsha). Eńbek jolyn 1992 jyly aýdandyq deńgeide salyq inspektsiiasynyń esepke alý jónindegi inspektory bolyp bastady.
1994-1997 jyldary bank salasynda qyzmet atqardy.
1997-2011 jyldary Batys Qazaqstan jáne Shyǵys Qazaqstan oblystary boiynsha keden salasynda qyzmet atqarǵan.
2011-2013 jyldary Oral qalasy kásipkerlik bóliminiń basshysy;
2013-2016 jyldary Jánibek aýdanynyń ákimi laýazymynda qyzmet atqardy.
2016 jyldyń mamyr aiynan bastap Terekti aýdanynyń ákimi boldy.
