Foto: gov.kz
Oral áýejaiyna jolaýshylar ushaǵy qona almady, - dep habarlaidy "Moi gorod" Telegram-arnasy.
3 jeltoqsanda aýa raiynyń qolaisyzdyǵyna bailanysty Oral-Astana reisi keiinge shegerilgen. Al Almaty-Oral ushaǵy Aqtóbedegi qosalqy aerodromǵa qonǵan. Bul týraly basylymǵa Mánshúk Mámetova atyndaǵy Halyqaralyq áýejaidyń baspasóz qyzmeti habarlaǵan.
Sondai-aq 4 jeltoqsanda Almatydan ushatyn reis keiinge shegerilgen. Oralǵa kelýdiń boljamdy ýaqyty - 16:00. Odan bólek, Almatydan keletin taǵy bir reis eki saǵatqa keshikken. Oral áýejaiynyń baspasóz qyzmeti 3 jeltoqsan saǵat 18:00-den 4 jeltoqsan saǵat 04:00-ge deiin kóktaiǵaq bolyp, jańbyr jaýǵanyn túsindirdi.
"Bul ushý qaýipsizdigine teris áser etedi, óitkeni jaýyn-shashynnan muz paida bolady. Mundai jaǵdailarda áýejai muzǵa qarsy reagentti paidalanady. Áýekompaniialar aýa raiy boljamyna jáne yqtimal táýekelderge súiene otyryp, reisterdi oryndaý boiynsha óz betinshe sheshim qabyldaidy. Tórtinshi jeltoqsanda -3-ten +6 gradýsqa deiingi temperatýranyń kúrt aýysýyna bailanysty tuman qosyldy, bul kórýdi qiyndatady. Áýekompaniialar joǵaryda atalǵan reisterdi keiinge qaldyrý týraly sheshim qabyldady", - dedi Mánshúk Mámetova atyndaǵy Halyqaralyq áýejaidyń baspasóz qyzmeti.
Áýejai ókilderi áýekompaniialardyń jolaýshylarǵa barlyq qajetti kómekti kórsetip jatqanyn atap ótti.
