«Neiroskai» degen qurylǵy bizdiń miymyzdaǵy signaldy qabyldap, kompiýterge shyǵarady, dep jazady 24.kz.
«Arnaiy baǵdarlamany meńgerý ústindemiz. Bul bizge bolashaqta tipti adamnyń oiyn oqýǵa múmkindik beredi. «Neiroskai» degen qurylǵy bizdiń miymyzdaǵy signaldy qabyldap, kompiýterge shyǵarady. Ol miymyzdyń jumysyn, ne oilaitynymyzdy kórsetedi. Bolashaqta osy tehnologiialar, mysaly, muǵalim sabaq bergende oqýshynyń tyńdap-tyńdamaityndyǵyn kórip bile alady. Qazirgi ýaqytta miym jumys istep jatyr, biraq ta sharshadym, sony kórsetip tur», — deidi stýdenttik konstrýktorlyq biýronyń múshesi Ámir Qami.
Tehnologiia salasyndaǵy tájiribe álemdik deńgeidegi úzdiktermen tereze teńestirý úshin qajet. Bul jerde berilgen bilim jastardyń mektep pen joǵarǵy oqý ornynda alǵan bilimin bekitýge járdemdesedi. Básekege qabiletti mamandar keiin qurylys pen óndiris, robot tehnikalaryn qurastyrý, meditsina jáne elimizdiń kiber keńistigin qorǵaý salasyna úles qospaq.
«Biz negizgi eki baǵyt boiynsha jumys isteimiz. Sonyń biri shet tilderin meńgerý barysynda paidaǵa asady. Máselen, arnaiy kózildirikti kigen stýdenttiń aldyna bir nárseni qoiamyz. Sol kezde arnaiy baǵdarlama onyń shet tilindegi aýdarmasyn kórsetedi. Oqytýdyń mundai tyń ádis-tásilderi úirenýshiniń qajetti sózderdi umytyp qalmaýyna kómektesedi», — deidi ýniversitet professory Sergei Kibalnikov.
Jyldyń basty qujatynda Prezident tsifrlyq tehnologiiany qoldaný arqyly qurylatyn jańa indýstriialar órkendeýi tiis ekendigin aitty. Iaǵni elimizdiń bilim berý men meditsina salasynda tehnologiia jetistikteri keńinen qoldanylýy qajet. «Bizdiń basty maqsatymyz – osy baǵytta tyń jańalyqtar ashý», — deidi ýniversitet rektory.
«Búkil álemde úlken daǵdarysqa ushyrap jatqan ýaqytta bizdiń Qazaqstan qalypty, josparly, bedeldi kúiinde tur. Sonyń ishinde biz birneshe modernizatsiiadan ótip jatyrmyz. Mine, IT tehnologiia deimiz. Basty baǵytymyz – sol candyq tehnologiiamen básekege qabiletti, álemdegi eń myqty memleketterdiń qataryna kirý», — deidi Qazaqstan ITJ ýniversitetiniń rektory Aqsárik Áitimov.
Ýniversitette 12 myńdai stýdent bilim alyp jatyr. Olar meńgeretin 20 mamandyqtyń teń jartysy qazirdiń ózinde innovatsiialyq tehnologiia salasynda qoldanysta. Máselen, izdenýshi jastar 3D printing arqyly modeldeý tásilderin úirenedi. Olardyń birqatar IT jobalary biyl EXPO 2017 kórmesine qatyspaqshy.
