Oralda júk kóligi jolaýshylar avtobýsymen soqtyǵysyp, saldarynan eki adam qaza tapty jáne taǵy jeteýi zardap shekti, dep habarlaidy Ult.kz tilshisi.
Oral qalalyq ishki ister basqarmasy bastyǵynyń birinshi orynbasary Nurlan Bisenovtiń aitýynsha, bul jóninde habar saǵat 16.15-te túsken.Jol apatynan áiel adam qaza tapqan. Eki bala jaraqat alǵan.
BQO densaýlyq saqtaý basqarmasy basshysynyń orynbasary Nurdanat Berkinǵalidyń naqtylaǵanyndai, jedel járdem kóligi kelgennen keiin taǵy bir adam kóz jumǵan. Sonymen qatar qalalyq kópbeiindi aýrýhanaǵa 7 adam jetkizilgen. Sonyń ekeýi - balalar.
Qazirgi kezde oqiǵanyń jai-japsary anyqtalý ústinde.
foto, video: jergilikti "Moi gorod" gazetinen
