Batys Qazaqstan oblysyndaǵy qoqys poligony kelesi jyly jabylady. Bul týraly Batys Qazaqstan oblysynyń ákimi Ǵali Esqaliev Ortalyq kommýnikatsiialar ortalyǵynda ótken brifingte aitty, dep habarlaidy "Ult aqparat".
«Turmystyq qoqys poligony - jergilikti kásipkerlerdiń menshiginde. Jazda jáne kúzde bolǵan órt máseleleri qazir sheshilip jatyr. Poligon ieleri órttiń aldyn alý maqsatynda qosymsha tehnika aldy», - deidi Ǵali Esqaliev.
Oblys ákimi turmystyq qaldyqtar poligonyn kóshirý múmkin emes ekenin aitty.
«Ony kóshirý múmkin emes, tek jabý kerek. Jaqynda kelesi jyldyń biýdjetin talqylaǵan kezde qarajat bólý jaǵyn qarastyryp, jyldyń birinshi jartyjyldyǵynda, iaǵni jaz mezgilinde poligondy jabamyz», - ol.
Eske sala ketsek, buǵan deiin Oral turǵyndary qoqys poligonynan taraǵan ýly tútinge tunshyǵyp otyrǵanyn jazǵan bolatynbyz.
