Foto: "Moi GOROD"
Oralda Mamandandyrylǵan aýdanaralyq qylmystyq sotta kásipker Erkin Muhanǵalievtiń ólimine qatysty sot otyrysy ótip jatyr, - dep habarlaidy Massaget.kz portaly "MOI Gorod" saityna silteme jasap.
Aita keteiik, byltyr tamyzda Oralda jantúrshigerlik adam ólimi bolǵan edi. Oqiǵa "Rahat-Lýkým" jáne "Giýlchatai" meiramhanasynyń iesine qatysty. Kúdiktiler Rýslan Qojataev pen Turlan Amangeldi kásipkerdi birneshe jerinen pyshaqtap ketken.
Bul joly sot otyrysyna taǵy eki daiashy qyz kýáger boldy. Ol qaiǵyly oqiǵa bolǵan kúni "Rahat-Lýkým" karaoke-meiramhanasynda daiashy bolyp júrgen. Eki daiashy kámeletke tolmaǵandyqtan tergeýge ata-analary men pedagogteri qatysqan. Olar alqabiler sotyna sol kúni oqiǵa qalai bolǵanyn aityp bergen.
"Olar (kúdikti Qojantaev pen Amangeldi) basynda káýáp pisiretin jigitti shaqyrdy. Olar ne jaily sóileskenin estimedim. Artynsha shef (marqum Erkin Muhanǵaliev-esk.) kelip, birge otyryp sóilese bastady. Odan bólek, kafe ákimshisi de boldy. Olardyń biri sheftiń qasyna otyryp, ekinshisi barsetkasynan pyshaq alyp shyqty da moinyna suǵyp aldy. Muhanǵaliev qansyrap, aiǵailai bastady. Shef ústeldi iterip jiberdi, ákimshi kómekteskisi keldi, biraq ekinshi kúdikti kómektespeý keregin ymmen jetkizdi. Muhanǵaliev terezeni ashyp, qashyp ketti. Olar esikten shyǵyp, artynan qýalai bastady. Basqa eshteńe esimde joq", - deidi kýáge daiashy qyzdardyń biri.
Ekinshi daiashy qyz da osy jaittyń kýágeri bolǵanyn aitty. Artynsha kúdiktiler eki kúnnen keiin tabylǵan úi iesi kýáger retinde keldi. Ol bul oqiǵa týraly áleýmettik jeliden bilgenin aitqan.
"Bizdiń aimaqta kúdiktiler izdeýde júrgen. Ýchaskelik politsei olar jaqyn jerde tyǵylyp qalǵanyn aitty. Politseiler úsh kósheni jaýyp tastady. Kóshege shyqqanda áskeriler basqa kóshege ketip bara jatqanyn kórdim. Men solardyń artynan ketpek bolǵanymda álgi ekeýin (kúdiktilerdi - esk.) kórdim. Olar alma aǵashynyń artynda tyǵylyp alma jep otyrdy, bireýi aq fýtbolka kiip alǵan", - deidi kýáger.
Basylym málimetinshe, sot otyrysyna meiramhana ákimshisi de kelip, suraqtarǵa jaýap beredi.
