© Sputnik / Timýr Batyrshin
Oral qalasynda suiytylǵan munai gazyn shaǵyn jaǵarmai quiý stantsiialarynan ǵana tabýǵa bolady. Ony quiý úshin uzyn-sonar kezekte turý kerek, dep habarlady Sputnik Qazaqstan agenttigi "Moi gorod" portalyna silteme jasap.
Al keibir stantsiialarda suiytylǵan munai gazy tek talonmen ǵana satylady. Basqasynda otynnyń bul túri múldem joq.
Batys Qazaqstan oblystyq energetika basqarmasynyń basshysy Meiirjan Nurtazievtiń aitýynsha, qarashanyń basynda gaz toltyrý stantsiialarynda 180 tonna gaz qalǵan.
"Bekitilgen josparǵa sáikes, qarasha aiynda suiytylǵan munai gazyn ishki naryqqa jetkizý kólemi 3 438 tonnany qurap otyr. Alaida 26 qazanda Atyraý munai óńdeý zaýyty qarashada suiytylǵan gazdy óndirý kóleminiń azaiatynyn Energetika ministrligine eskertken. Osyǵan bailanysty gaz quiý jáne gaz toltyrý stantsiialaryna jetkiziletin ónimniń kólemi birtindep 35 protsentke azaiady", - deidi Nurtaziev.
8 qarashada Atyraý munai óńdeý zaýyty tehnologiialyq qondyrǵylardy jóndeitinin habarlaǵan. Bul jumys 14 qarasha aiaqtalady delingen.
"AMÓZ" JShS tolyqqandy iske qosý men Batys Qazaqstan oblysynyń tutynýshylary úshin ónim jetkizýdiń aldyn ala merzimi – 18 qarasha", - dep atap ótti Nurtaziev.
Onyń sózine qaraǵanda, Energetika ministrligi "SNPS-Aqtóbemunaigaz" AQ-dan qosymsha 504 tonna gazdy jetkizýge kelisti.
