Foto: instagram.com/qumash_kz
Áleýmettik jelide Oraldaǵy arnaiy HQKO-lardyń birinde túsirilgen kúlkili sýret tarady, - dep habarlaidy Massaget.kz portaly Tengri Life saityna silteme jasap.
Sýretti Qumash Instagram-paraqshasy jariialaǵan. Onda elektron kezekti kórsetetin noýtbýk túsirilgen. Bul rette gadjet tóbede ilýli turǵan teledidardyń artqy jaǵyna bekitilgen.
Jazba sipattamasynda "ónertabys" avtorynyń tapqyrlyǵy talqylanyp jatyr.
Qoodanýshylar "Why noýt?", "99-deńgeidegi aitishnikter", "AiTishnikter keremet! Máseleni tez jáne arzan sheshipti. Jaqsy shaǵyn kompiýter, qansha turady? 400 myń?" "Isten shyqqan noýtbýk paidasyn tigizdi", "Zamanaýi máseleler zamanaýi sheshimderdi talap etedi", - dep kúlkili pikirler qaldyrǵan.
Jaǵdaidy anyqtaý úshin redaktsiia Azamattarǵa arnalǵan úkimet baspasóz qyzmetine habarlasqan.
"Memlekettik korporatsiianyń BQO boiynsha filialy elektron kezek tablosy (teledidar ekrany) noýtbýk arqyly jumys isteitinin habarlaidy. Búkil protsess (kezekke turý tártibi, klientti shaqyrý, habarlaý jáne t.b.) noýtbýk arqyly basqarylady. Bul noýtbýk HDMI kabeli arqyly negizgi tabloǵa qosylǵan, ol arqyly elektron kezek tártibi habarlanady", - dep jaýap berdi vedomstvo ókili.
Sondai-aq, baspasóz qyzmeti mekemede tóbeniń biiktigi 8 metr bolatynyn, bul kútý zalynyń ortasyna ornatylǵan tabloǵa kabel júrgizýdi qiyndatatynyn aitady. Júieniń birkelki jumysyn qamtamasyz etý úshin noýtbýkty tablonyń artqy jaǵyna ornatý týraly sheshim qabyldanǵan.
