Órt shyqqan kezde avtobýs salonynda 30 adam bolǵan, dep habarlaidy "Ult aqparat" «Moi GOROD» portalyna silteme jasap.
№22 avtobýs 12 maýsym kúni keshke órtene bastaǵan. Qoǵamdyq kólik aialdamadan júrip bara jatqan kezde motordan órt shyqqan. Avtobýstyń salonynda 30 adam bolǵan.
BQO TJD bas mamany Nuraly Mýsievtiń aitýynsha, «Daewoo» markaly avtobýs jolýshylardy tasymaldaǵan.
«Órt sóndirý qyzmetine 19.30-da habar tústi. Avtobýs 5-7 minýtta tolyqtai janyp ketip, jaqyn mańdaǵy janarmai quiý beketin sharpýy múmkin edi. Degenmen, órt sóndirýshilerdiń shuǵyl áreket etýiniń arqasynda tilsiz jaý 19.44-te sóndirildi. Eshkim zardap shekken joq», - dedi Nuraly Mýsiev.
Aita ketken jón, oqiǵa ornynda 5 órt sóndirýshi men 1 tehnika jumys istedi. Órttiń shyǵý sebebi anyqtalyp jatyr.
