Oralda jol-kólik oqiǵasynan keiin 2 kishkentai qyz bala aýrýhanaǵa jetkizildi, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa 14 sáýir kúni shamamen saǵat 08.10-da Ǵ.Qurmanǵaliev pen Chýikov kósheleriniń qiylysynda boldy.
«Lada Granta» jáne «Mazda» avtokólikteriniń qatysýymen jol apaty boldy.
Sonyń saldarynan «Lada Granta» avtokóliginde otyrǵan 2008 jáne 2011 jylǵy qyzdar túrli dene jaraqattarymen aýrýhanaǵa jetkizildi.
«Qazirgi ýaqytta politsiia qyzmetkerleri oqiǵanyń mán-jaiyn anyqtaýda. Jábirlenýshilerdiń naqty diagnozy anyqtalǵannan keiin quqyqtyq baǵa beriletin bolady», dedi Belgibekov.
