Oralda joǵalyp ketken 21 jastaǵy jigittiń denesi ormanda asýly kúiinde tabyldy, dep habarlaidy QazAqparat.

BQO politsiia departamentiniń baspasóz qyzmetinen málim etkenindei, marqumnyń múrdesi 25 jeltoqsan kúni saǵat 10.30-da Derkól kentindegi ormannan tabyldy.

«21 jastaǵy jigitke 24 jeltoqsan kúni izdeý salynǵan bolatyn. Ol 21 jeltoqsan kúni saǵat 22.00-de Derkól kentindegi úiinen shyǵyp ketkennen oralmaǵan edi. Múrde saraptamaǵa jiberildi. Qazirgi kezde QR QK 105-babyna (ózin-ózi óltirýge deiin jetkizý) sáikes sotqa deiingi tergeý amaldary júrgizilýde», dep habarlady vedomstvodan.

Eske sala keteiik, budan buryn Oralda iz-túzsiz joǵalyp ketken 21 jastaǵy jigittiń úsh kúnnen beri izdestirilip jatqanyn jazǵan bolatynbyz.