Oralda top bolyp tóbelesken bes adam politsiiaǵa jetkizildi, dep habarlaidy "Ult aqparat".
BQO politsiia departamenti baspasóz qyzmetinen túsken málimetke qaraǵanda, oqiǵa 27 maýsymda saǵat 16.50-de boldy.
Avtobýstan qala ortalyǵyndaǵy ámbebap dúkeni aialdamasynan túsken adamdar tóbelesip qalǵan.
Bes adam Abai politsiia bólimine jetkizildi. Sonyń ishinde ekeýi mas kúiinde ýaqytsha beiimdeý jáne detoksikatsiia ortalyǵyna ornalastyryldy.
Qazirgi kezde oqiǵanyń mán-jaiy anyqtalyp jatyr. Quqyq buzýshylardy ákimshilik jaýapkershilikke tartý qarastyrylýda.
