Oral politseileri 72 jastaǵy zeinetkerdi óltirdi degen kúdikpen áieldiń ustalǵanyn habarlady, - dep habarlaidy Tengrinews.kz.
Politsiianyń málimetinshe, bul qylmys qoǵamda úlken narazylyq týdyrǵan. Tergeýshiler zeinetker túski ýaqytta, úide jalǵyz bolǵan kezde óltirilgeni anyqtady.
"Úidegi tártip buzylǵan. Kisi óltirýshi qolǵap kiip, qylmystyń izin jasyrmaq bolǵan. Kýágerler bolǵan joq", - dedi BQO IID kriminaldyq politsiia basqarmasynyń bastyǵy Sultan Shaldarbekov.
Politsiia qylmystyq árekettiń sebepteri men maqsaty áli anyqtalmaǵanyn atap ótti. Jábirlenýshi men kúdikti arasynda janjal bolmaǵan.
"Osy oqiǵadan keiin qylmys bolǵan jerge jaqyn 700-den astam úi aýlalaryn aralap, 21 kúnde 1 myń adam tekseristen ótti. Nátijesinde, Oral qalasynyń 35 jastaǵy turǵynynyń osy qylmysqa qatysy bar ekendigi týraly naqty málimetter alyndy. Ol buryn sottalmaǵan jáne ishki ister organdarynda tirkelmegen. Ustalǵannan keiin turǵylyqty jeri boiynsha tintý júrgizildi. Qan bolǵan kiim, pyshaq jáne basqa da dálelder tabyldy", - dep atap ótti politsiia.
Qazirgi ýaqytta ustalǵan azamatsha ýaqytsha ustaý izoliatoryna qamaldy. Sottyń sanktsiiasymen ol 2 aiǵa qamaýǵa alyndy.
