Jáńgir han atyndaǵy Batys Qazaqstan agrarlyq-tehnikalyq ýniversitetinde Táýelsizdiktiń 30 jyldyǵyna orai «Ulttyń úni - jyr-terme» atty oblystyq jas termeshiler baiqaýy márege jetti, dep habarlaidy QazAqparat.
Óner keshin BQO jastar saiasaty máseleleri basqarmasynyń qoldaýymen «Ǵasyr» jastar qoǵamdyq birlestigi uiymdastyrdy.
Baiqaý maqsaty - halyqtyq terme ónerin óskeleń urpaqqa, óner súier jurtshylyqqa keńinen nasihattaý, jas talanttardy anyqtap, daryndy ónerpazdardyń kásibi sheberligin arttyrý.
Saiysqa 16 jas termeshi qatysyp, Batys maqamymen jáne erkin taqyoypta terme oryndap, óz ónerlerin ortaǵa saldy.
Baiqaý qorytyndysynda 14-18 jastaǵylar arasynda M.Ótemisov atyndaǵy Batys Qazaqstan ýniversitetiniń stýdenti Aqmaral Temirbolatova birinshi júldeni jeńip aldy. D.Nurpeiisova atyndaǵy balalar mýzyka mektebiniń oqýshysy Laýra Málikova ekinshi, Oraldaǵy №25 mektep shákirti Sabina Jumageldina úshinshi orynǵa kóterildi.
Al 19-29 jastaǵylar arasynan Kaztalov aýdanynan kelgen Nuraly Aitýǵanov úzdik shyqty. M.Ótemisov atyndaǵy Batys Qazaqstan ýniversitetiniń stýdentteri Ádil Ahmetov pen Aqbota Esetova ekinshi jáne úshinshi oryndardy bólisti.
Saiys jeńimpaz-júldegerlerine uiymdastyrýshylar tarapynan arnaiy diplomdar men baǵaly syilyqtar tabys etildi.
