جەڭگٸر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتٸندە تەۋەلسٸزدٸكتٸڭ 30 جىلدىعىنا وراي «ۇلتتىڭ ٷنٸ - جىر-تەرمە» اتتى وبلىستىق جاس تەرمەشٸلەر بايقاۋى مەرەگە جەتتٸ, دەپ حابارلايدى قازاقپارات.
ٶنەر كەشٸن بقو جاستار ساياساتى مەسەلەلەرٸ باسقارماسىنىڭ قولداۋىمەن «عاسىر» جاستار قوعامدىق بٸرلەستٸگٸ ۇيىمداستىردى.
بايقاۋ ماقساتى - حالىقتىق تەرمە ٶنەرٸن ٶسكەلەڭ ۇرپاققا, ٶنەر سٷيەر جۇرتشىلىققا كەڭٸنەن ناسيحاتتاۋ, جاس تالانتتاردى انىقتاپ, دارىندى ٶنەرپازداردىڭ كەسٸبي شەبەرلٸگٸن ارتتىرۋ.
سايىسقا 16 جاس تەرمەشٸ قاتىسىپ, باتىس ماقامىمەن جەنە ەركٸن تاقىوىپتا تەرمە ورىنداپ, ٶز ٶنەرلەرٸن ورتاعا سالدى.
بايقاۋ قورىتىندىسىندا 14-18 جاستاعىلار اراسىندا م.ٶتەمٸسوۆ اتىنداعى باتىس قازاقستان ۋنيۆەرسيتەتٸنٸڭ ستۋدەنتٸ اقمارال تەمٸربولاتوۆا بٸرٸنشٸ جٷلدەنٸ جەڭٸپ الدى. د.نۇرپەيٸسوۆا اتىنداعى بالالار مۋزىكا مەكتەبٸنٸڭ وقۋشىسى لاۋرا مەلٸكوۆا ەكٸنشٸ, ورالداعى №25 مەكتەپ شەكٸرتٸ سابينا جۇماگەلدينا ٷشٸنشٸ ورىنعا كٶتەرٸلدٸ.
ال 19-29 جاستاعىلار اراسىنان كازتالوۆ اۋدانىنان كەلگەن نۇرالى ايتۋعانوۆ ٷزدٸك شىقتى. م.ٶتەمٸسوۆ اتىنداعى باتىس قازاقستان ۋنيۆەرسيتەتٸنٸڭ ستۋدەنتتەرٸ ەدٸل احمەتوۆ پەن اقبوتا ەسەتوۆا ەكٸنشٸ جەنە ٷشٸنشٸ ورىنداردى بٶلٸستٸ.
سايىس جەڭٸمپاز-جٷلدەگەرلەرٸنە ۇيىمداستىرۋشىلار تاراپىنان ارنايى ديپلومدار مەن باعالى سىيلىقتار تابىس ەتٸلدٸ.
