Oral politseileri 11 qyrkúiekte túnde Nursultan Nazarbaev dańǵylyndaǵy oiyn-saýyq keshenderiniń biriniń mańynda bolǵan tóbeleske qatysýshylardy izdestirip jatyr, - dep habarlaidy "Ult aqparat".
Politsiia departamentiniń málimetinshe, 11 qyrkúiekke qaraǵan túni saǵat shamamen 00:08-de Nazarbaev dańǵylynyń boiynda tóbeles bolǵany týraly habar túsken.
"Oqiǵa ornyna politsiia qyzmetkerleri baryp, 25-30 jas shamasyndaǵy belgisiz er adamnyń máiitin tapty. Keiinnen onyń 1992 jylǵy BQO turǵyny ekeni belgili boldy. Qazirgi tańda asa aýyr qylmystyń mán-jaiy anyqtalyp jatyr", - delingen habarlamada.
