Oral qalasynyń ortalyǵyndaǵy turǵyn úide balkon opyrylyp qulady, bul kezde onyń ishinde adamdar turǵan.
Oqys oqiǵa dúisenbi, 29 sáýirde boldy. Ekinshi qabattaǵy balkonnyń beton edeni opyrylyp túsken, dep habarlady Sputnik "Ýralskaia nedelia" basylymyna silteme jasap.
Er adamdar balkonǵa temeki tartýǵa shyqqan, alaida osy sátte úi turǵyndary beton edenmen birge tómenge qulap túsken. Qudai saqtap eshkim aýyr jaraqat almaǵan.
"Bizdiń balkondardyń barlyǵy apatty jaǵdaida tur. Eger tómenge qarasańyz, betonnyń bári qulap ketkenin kóresiz, balkon plitasy tipti qabyrǵaǵa bekitilmegen", - deidi úidiń turǵyny Aleksandr Tsvetkov.
Onyń aitýynsha, ǵimarat apatty jaǵdaida tur. Tsvetkov páterinde jaryq paida bolǵanyn habarlady.
"Ákimdikke habarlastym, olar sýretke túsirip aldy. Tusqaǵazyn alyp tastap, jóndeý jumystaryn júrgizdim, jaryq ázirge biteýli tur", - deidi Aleksandr Tsvetkov.
Úi turǵyndarynyń aitýynsha, ǵimarat 1961 jyly salynǵan, sodan beri birde-bir ret kúrdeli jóndeý jumystary júrgizilmepti.
