BQO kópbeiindi aýrýhanasy bazasynda 150 orynǵa eseptelgen provizorlyq statsionar ashyldy, dep habarlaidy "Ult aqparat".
Aýrýhana direktory Arman Baideýovtiń aitýynsha, statsionar jýyrda salynǵan №2 korpýsta ornalasqan.
Provizorlyq statsionarda qarqyndy terapiia palatalary, arnaiy monitorlar, 21 ókpeni jasandy jeldetý apparaty, kólemi 7 jáne 8 litr bolatyn Bobrov apparattary engizilgen 40-tan astam ottegi kontsentratorlary bar.
«Bul kontsentratorlardyń ereksheligi, ottegini óndirý jáne ókpeni jasandy jeldetý apparatyna qosylý arqyly patsientti ár túrli paiyzdyq mólsherde ottegimen qamtamasyz ete alady», deidi A.Baideýov.
Munda tamaqtaný men emdeý júiesi tolyǵymen ońtailandyrylǵan, qajetti dárethana bar jáne sýmen úzdiksiz qamtylǵan.
Naýqastarǵa barlyq jaǵdai jasalǵan jańa korpýsta alǵashqy emdelýshiler qabyldana bastady.
«Qazirgi tańda qaýipti indetpen el bolyp kúresýdemiz. Osy oraida aýrýhanalarǵa kómek qolyn sozyp jatqan jandardyń bárine alǵysymyzdy aitqymyz keledi», dedi A.Baideýov.
