Foto: pixabay.com
Memlekettik satyp alý josparynyń monitoringi barysynda taýarlardy satyp alý baǵasyn kóterý faktileri anyqtaldy, dep habarlaidy "Ult aqparat" Sybailas jemqorlyqqa qarsy is-qimyl agenttiginiń Batys Qazaqstan oblysy boiynsha departamentine silteme jasap.
Mysaly, demalys ortalyǵy jalpy somasy 16 500 000 teńgege 30 dana noýtbýk satyp alýdy josparlaǵan. Bul rette, osy taýardyń medianalyq baǵasy 219 000 teńgeni quraidy. Osylaisha, kásiporyn satyp alý somasyn eki ese arttyrǵan.
Departament usynysy boiynsha demalys ortalyǵy memlekettik satyp alý jospary tarmaǵynyń baǵasyn qaita qarap, 9 930 000 teńge somasyna biýdjet qarajatynyń tiimsiz paidalanylýyna jol berilmegen.
Jalpy somasy 2,5 mln teńgege 50 myń teńge baǵamen 50 dana kóleminde dop satyp alýdy josparlaǵan sport klýbynyń memlekettik satyp alýlaryn josparlaý kezinde osyndai baǵa kóterýge jol berilgen. Bul rette, taýardyń ortasha baǵasy 5 900 teńgeni quraǵan.
Departament usynysynan keiin sport klýby taýardyń satyp alý qunyn qaita qarap, biýdjettiń 2 050 000 teńgesin únemdegen.
"Jyl basynan beri memlekettik satyp alý josparlarynyń sybailas jemqorlyqqa qarsy monitoringi nátijesinde taýarlardyń satyp alý quny 1,9 milliard teńgege azaidy" - delingen vedomstvo habarlamasynda.
